“Nuk doja ta vrisja, doja ta trembja dhe t’i qëlloja tek këmbët. Por ajo me ofendoi dhe me pas e qëllova”.
Kjo është deklarata tronditëse që dha para gjykatës, Gardisti Admir Dervishi.
29 – vjeçari ka thënë para togave të zeza se ditën e ngjarjes ka patur debate me gruan e tij, Ida Dervishin.
Sipas tij, ajo i ka bllokuar derën dhe nuk e linte të dilte nga shtëpia.
Për këtë arsye, ai tha se ka nxjerrë armën duke e qëlluar.
Pas kësaj ka njoftuar policinë dhe ka pritur në vendin e ngjarjes. Gjykata, në përfundim të dëshmisë së tij dhe dëgjimit të prokurorisë, vendosi ta lërë në burg Dervishin, për akuzën e vrasjes për shkak të marrëdhënieve familjare.
Sipas prokurorisë, çifti prej vitesh kishte probleme për shkak të gjendjes së tyre ekonomike dhe xhelozisë.
Prokuroria ka marrë edhe dëshmitë e familjarëve, të cilët konfirmojnë se prej vitesh, Admiri e keqtrajtonte Idën.
Krimi i rëndë që i mori jetën 28 – vjeçares ndodhi në prani të fëmijëve të mitur, 4 – vjeç dhe 8 muajsh.
Xhevahir Zhabina/Tv Klan
