Na ndajnë vetëm pak minuta nga nisja e protestës së thirrur nga ish-kryeministri Sali Berisha, e cila do të nisë para oborrit të PD-së dhe më pas protestuesit do të marshojnë para kryeministrisë.
Ndërkohë sikurse shihet në pamjet e siguruara nga Opinion.al protestuesit po mblidhen para selisë së PD-së.
Kjo protestë është thirrur nga lideri historik i PD, Sali Berisha, kundër vizitës së presidentit serb, Aleksandër Vuçiç, por edhe për aferën e inceneratorëve, që çoi në pranga ish-ministrin Lefter Koka.
Sipas raportimeve, mësohet se Berisha do iu drejtohet protestuesve me një fjalim para nisjes për tek Kryeministria, më pas do të marshojnë për në bulevard.
Ndërkohë para godinës së Kryeministrisë, kanë nisur përgatitjet me vendosjen e podiumit, ndërsa Policia ka marrë masat për të siguruar mbarëvajtjen e protestës, duke rrethuar godinën.
Sikurse duket nga fotot efektivë të armatosur po mbrojnë kryeministrinë. Gjithashtu janë duke pozicionuar edhe autobotë me ujë.
