Deputeti i Partisë Demokratike, Gent Strazimiri i ftuar në Opinion në TV Klan për të folur në lidhje me temën: Escobari shqiptar, e vërtetë apo trillim.
Në vazhdën e këtij debati, deputeti Strazimiri tha live në studio, se PD-ja do zbulojë një material shumë të rëndësishëm në lidhje me ministrin e Punëve të Brendshme, Saimir Tahiri.
Ai tha troç, se materiali në fjalë duhej të vinte sot në këtë studio, por Strazimiri nuk e lejoi të vinte në studio, me argumentin se kjo do ishte e padrejtë të ishte ekskluzive vetëm e këtij emisioni, pasi sipas tij, duhej një barazi e informacionit për të gjithë mediat.
Andaj, materiali “misterioz”, që PD-ja po kumton prej dy ditësh do të lihej për t’u bërë publike, pikërisht në ditën e sotme, pra me datë 13.5.2016-të.
Ajo ç’ka deputeti demoktrat tha në Opinion në ligjeratë të drejtë, është pikërisht kjo: “Më lejoni vetëm një sekond, e kam me të vërtetë shumë shkurt. E kam të qartë dhe e kuptoj, që t’i mezi e pret të dalë, (i drejtohet deputetit Taulant Balla) dhe ajo do dalë. Materiali duhej të vinte sot këtu, pikërisht në këtë studio, por unë i thashë; jo nuk është për këtu, por nesër do dalë”, tha Gent Strazimiri në Opinion.
Mirëpo, materiali i kumtuar me bujë të madhe nga vetë kreu i PD-së, Lulzim Basha dy ditë më parë ende nuk ka dalë, i kumtuar po me aq bujë të madhe nga deputeti i PD-së, Gent Strazimiri që do dalë për sot nga studio e Opinion, ende nuk ka dalë.
Pyetja një milion dollarëshë është kjo: Kur Partia Demokratike do bëjë publike materialin misterioz që implikon drejtpërdrejt për lidhje me krimin vetë ministrin Saimir Tahiri?
