Prej dy ditësh Shqipëria lundron nën ujë, për shkak të përmbytjeve që prekën thuajse të gjithë vendin, pas reshjeve dy ditore.
Ndërsa në media është raportuar situata poroblematike në të gjitha qarqet, emisioni Stop në TV Klan ka shkuar pak më tej duke i bashkëlidhur panoramës së ngjarjeve, një deklaratë të Edi Ramës gjatë kohës që ky i fundit ishte në opozitë.
Duke iu referuar përmbytjeve të ndodhura gjatë qeverisjes Berisha, në këtë video Edi Rama shprehet se është e pamundur që të tilla katastrofa të përsëriten 5 herë në vit, në rast se ka një qeveri që qeveris dhe jo një pushtet që sundon.
Nëse kujtojmë, që nën qeverisjen e Ramës Shqipëria ka parë edhe të tjera përmbytje masive, ku kulmoi ajo e vitit 2015, pyetja që kemi është: Zoti Rama e sheh veten si qeverisës apo sundimtar?
Të mos harrojmë se këtë radhë, për herë të parë gjatë një qeverisjeje autostrada Tiranë- Durrës përmbytet në të tilla përmasa, që kërkuan daljen e gomoneve në lundrim.
