Djali heroik 11-vjeçar ukrainas, i cili udhëtoi më shumë se 600 milje i vetëm për t’i shpëtuar luftës së Rusisë, më në fund është ribashkuar me nënën e tij.
“E pamundura është bërë realitet”, tha policia kombëtare e Sllovakisë ndërsa ndante foto dhe video prekëse të ribashkimit të tyre.
I riu u bë simbol i trimërisë ukrainase kur u zbulua se ai kishte ikur i vetëm në kufi me vetëm një numër telefoni në dorë pasi nëna e tij qëndroi prapa për të mbrojtur nënën e saj të sëmurë.
Por kërcënimi i bombardimeve ruse e bindi nënën që duhej të largohej, tha policia sllovake, duke vënë në dukje se si ata gjithashtu udhëtonin me qenin e tyre.
Videoja e ribashkimit tregoi nënën Yulia të përlotur teksa priste të takonte djalin e saj.
“Udhëtimi me tren ishte shumë i vështirë … Por na u desh të arratiseshim që familja jonë të mund të ishte së bashku,” tha Julia .
“Dua t’ju falënderoj të gjithëve nga zemra. Duhet të fillojmë nga e para. Ne humbëm gjithçka që kishim, por jemi të shëndetshëm, “tha ajo.
Familja është në mesin e më shumë se 3.1 milionë njerëzve që janë larguar nga Ukraina gjatë tre javëve të luftës së Rusisë, me afro 230,000 që shkojnë në Sllovaki, sipas të dhënave të OKB-së. Shumica dërrmuese – më shumë se 1.9 milionë – kanë shkuar në Poloni, tregojnë të dhënat.
