Video/ E pabesueshme, lojtari qëllon tifozët me flamurin e këndit…

Një skenë e rëndë në Suedi. Ndeshja midis Goteborg dhe Malmo FF duhet të ndërpritej në minutën e 78-të teksa rezultati ishte 0:0. Një skenë e paimagjinueshme: Tobias Sana i Malmo-s, ka hedhur, pak çaste para ndërprerjes, një nga flamujt e këndit. Disa idiotë kishin hedhur fishekzjarrë në drejtim të Sana. Një nga fishekzjarrët shpërtheu pranë këmbëve të ish-lojtarit të Ajax Amsterdam. Sana, i cili ishte duke u nxehur anash fushës, reagoi menjëherë duke marrë flamurin e këndit dhe duke e hodhur drejt tifozëve.
Sana, i cili ka luajtur për Goteborg deri në vitin 2012, është një person i padëshiruar për tifozët. “Tani që nuk jam më i tronditur, mendoj se kam bërë një gabim shumë të madh,” shprehet Sana në faqen zyrtare të klubit të tij. Megjithëse nuk u dëmtua njeri, arbitri ndërpreu ndeshjen. “Dëgjova shpërthimin, pash te Tobias Sana, i cili u shmang. Pastaj çdo gjë ndodhi shumë shpejtë. Unë i rashë bilbilit dhe futa lojtarët në dhomat e zhveshjes,” shprehet arbitri i ndeshjes Jonas Eriksson.