Një student nga Kosova, është shoqëruar nga Policia pasi dyshohet se ka qëlluar me grusht duke lënë pa ndjenja një efektiv të policisë së bashkisë, në përplasjen e sotme gjatë protestës së shoqërisë civile kundër betonizimit të Parkut të Liqenit Artificial. Polici bashkiak është Dritan Hardhia.
Deklarata e plotë e Policisë së Tiranës:
Shoqëria civile në mesditë ka tentuar për të futur dhe ngritur në Parkun e Liqenit një çadër të madhe, që sipas tyre do të shërbente për ruajtjen e parkut, nga ndërtimi i këndit të lojrave për fëmijë nga Bashkia. Por janë ndaluar nga Policia Bashkiake që ruante zonën ku do parashikohet të ndërtohet Këndi i Lojërave.
Aktivistët janë përplasur me policinë dhe si pasojë një polic bashkiak D.Hardhia, 35 vjeç dhe një qytetar I.M, vjeç 31 kanë pësuar humbje ndjenjash.
Një autombulancë mbërriti menjëherë në vendngjarje dhe mori të lënduarit duke i dërguar për mjekim në spital.
Nga forcat e policisë është shoqeruar në Komisariatin Nr.1 një shtetas (student) Kosovar Aranit Beqiri, vjeç 20, i cili dyshohet t’i ketë rënë me grusht policit bashkiak.
Gjithashtu është shoqëruar dhe një nga aktivistët Zirkon Disha. Nga ana e Policisë po kryhen veprimet hetimore.
http://www.dailymotion.com/video/x3w62tw_protesta-te-liqeni-polici-humb-ndjenjat_news
