Publikohet një tjetër video e përplasjes mes policit dhe qytetarit në Patos të Fierit.
Në këto dy video të publikuar në rrjetet sociale, shihet një skenë aspak e hijshme, ku siç edhe shihet me figurë dhe dëgjohet me zë, polici ka shtrirë tokë një drejtues motociklete i cili nuk kishte patentë, por ky i fundit i drejtohet me sharje e ofendime policit dhe bën rezistencë duke mos e lejuar efektivin që ta arrestojë.
Në “luftë” e sipër teksa i riu është shtrirë në tokë, dëgjohet teksa i thotë policit: “Më ler se më mbyte”, dhe sharje e ofendime në drejtim të tij.
Ndërsa të pranishmit i bëjnë thirrje ta lirojë se nuk është kriminel, dhe e kanë filmuar ngjarjen.
Në videon e dytë shihet qartë se si këtë person nuk po arrijnë ta ndalojnë dot dy policë, teksa dëshmitarët aty dëgjohen që thonë se polici duhet ta lëshojë qytetarin se do shkarkohet nga puna sepse po e filmojnë.
