Dy gra rrezikuan jetën duke vendosur në trup kamera të fshehta për të filmuar jetën në qytetin e kontrolluar nga ISIS, Raqa në veri të Sirisë.
Om Omran and Om Mohammad pranuan të filmojnë për gazetën Expressen edhe pse e dinin se nëse do të zbuloheshin ata do të vritesh duke u qëlluar me gurë.
“Ata donin t’i tregonin botës si ishte jeta e tyre”
Gratë janë të ndaluara të dalin nga shtëpia e tyre vetëm dhe ndëshkohen nëse nuk mbulojnë tërësisht trupin. Madje dhe në kutitë e bojrave të flokëve në dyqane, fytyra e vajzave është ngjyrosur me të zezë.
“Çdo grua do të dëshironte të tregonte fytyrën e saj. Ne e kemi humbur këtë mundësi. Kemi humbur feminilitetin tonë” thotë Omran.
Ata kanë filmuar sesi luftëtarë të ISIS lëvizin nëpër rrugë së bashku me gratë. Shumë prej tyre përpiqen të fshehin armët nga frika se mund të jenë objektiv i ndonjë sulmi ajror.
Prej gushtit 2014 ISIS ka marrë nën kontroll Raqa duke e kthyer de fakto në kryeqytet të Sirisë
Fillimisht gratë ishin të lejuara të vishnin burka dhe nuk u ishte kërkuar të vendosnin dorashka të zeza apo të mbulonin sytë e tyre.
“Por çdo të premte besimtarëve u jepen urdhra dhe rregulla të reja” thotë Mohammad. “Tani është urdhër që gratë të veshin dorashka dhe vello dyfish të burkës dhe duhet të qëndrojnë në shtëpi”
“Vajzat nuk lejohen të shkojnë në shkollë. Ndërsa mësimi dominohet nga Shaira. I gjithë sistemi shkollor është zëvendësuar me shkollën e ISIS”
Gratë përshkruajnë se kanë parë ekzekutime të njerëzve, ku një ushtar ishte ekzekutuar me armë më pas i ishte prerë koka.
“Ata e vranë me plumba, përdhosën trupin, i prenë kokën dhe e vendosën mbi një hekur dhe e vendosën në qendër të qytetit. “Ose ata vendosin trupin në rrugë dhe detyrojnë makinat të hipin mbi të, deri kur nuk ka mbetur asgjë nga trupi dhe mbetet vetëm veshja” thotë Om Mohammad
Shumë apartamente, vila luksoze janë okupuar nga luftëtarët e huaj. Pronarët e vërtetë të tyre u nxorrën jashtë ose u vranë
Ata janë nga Kazakistani, Afganistani, Arabia Saudite,shtetet e Europës si Franca. Kanë ardhur nga të gjitha shtetet, por pjesa më e madhe e tyre janë nga Arabia Saudite.
“Kryqëzojnë njerëz, gratë e armiqve të tyre i bëjnë skllave seksi. Një herë hodhën një djalë të ri nga tarraca e një pallati pasi ai ishte gay. I thanë njerëzve se ishte gay dhe duhej ndëshkuar”
Dy gratë kanë ëndërruar të largohen prej kohësh por duhet të qëndrojnë për të shpëtuar nga vdekja një shoqe të tyre shtatzënë
“Nëse ajo mban fëmijën ata do të kërkojnë të dinë se kush është i ati dhe sigurisht që do ta vrasin duke e goditur me gurë. Nuk ka doktorë që mund të bëjë abort. Na u desht të merrnim ilaçe që do ndihmonin për të abortuar fëmijën në shtëpi”.
Por ISIS është më i dobët se më parë. Më shume se 20 mijë janë vrarë në luftime dhe ISIS ka humbur rreth 40 % pjesë të territorit që kontrollonte një vit më parë.
Videoja mbyllet me Om Mohammad në shtëpi teksa heq Burkën dhe thotë “ Dua të jetoj jetën që dua. Dua të blej atë që dua, të dal vetëm, pa një shoqërues. Nuk ka asgjë më të rëndësishme sesa liria”
