Një 45 vjeçar nga Tirana është arrestuar nga efektivët e komisariatit nr 4 pasi në Rrugën e Dibrës në kryeqytet ka tentuar ti vjedhë me dhunë, telefonin një doktori. Ai ka tentuar që t’i grabisë me dhunë doktorit edhe një varëse floriri dhe më pas është larguar.
Ndërkohë e gjithë skena është filmuar nga kamerat e sigurisë. Sikurse duket nga pamjet mes mjekut dhe grabitësit ka patur një përplasje fizike, ndërkohë që ky i fundit tenton ti marrë varësen nga qafa. Duket se nga konflikti mjeku ka mbetur i lënduar pasi në pamje shfaqet duke vendosur dorën në kokë.
Tashmë 45-vjeçari ka rënë në pranga ndërkohë që nga verifikimet e kryera ka rezultuar se më datë 23 shtator ai ka vjedhur shuma parash në një dyqan.
