Leo Nika, 29 vjeçari që ekzekutoi nënë e babë në derën e shtëpisë vuante nga depresioni dhe çrregullimet mendore. Kështu kanë dëshmuar fqinjët, por edhe policia ka gjetur ilaçe anti-depresion në shtëpinë ku ndodhi krimi i rëndë.
29-vjeçari kishte jetuar edhe në Itali atje ku gjenden edhe motrat dhe vëllai, por vitin e fundit qëndronte më shumë në Shqipëri, thanë fqinjët. Sipas tyre ai nuk njihet për person problematik në lagje, por se pasi ishte kthyer nga Italia sillej çuditshëm, rrinte i heshtur…
Ai jetonte me gruan dhe vajzën në shtëpinë e prindërve. Në momentin e krimit, e bija dhe e shoqja nuk ndodheshin në shtëpi.
Ndërsa për dy të moshuarit, Ali Nika 75 vjeç dhe Junie, 66 vjeçe që mbetet të vrarë nga djali i tyre, fqinjët thotë se ishin tejet të urtë e të respektueshëm. Ata ishin vendosur në Xhafzotaj 22 vite më parë, pasi me origjinë janë nga Dibra.
Policia ende nuk ka dhënë detaje për motivet e këtij krimi makabër. Ajo që dihet është se pas një telefonate në sallën operative policia ka mbërritur në familjen Nika rreth orës 07:55. Aty ka gjetur pa jetë në oborrin e shtëpisë çiftin e të moshuarve. Autori nuk ka lëvizur nga vendngjarja dhe është prangosur si dhe është sekuestruar çiftja me të cilën vrau prindërit.
Çifti kishte 6 fëmijë, katër vajza dhe dy djem, ndërkohë që pesë prej tyre jetojnë jashtë vendit.
Njoftimi i policisë për krimin e dyfishtë në familje
Më datë 29.06.2017, rreth orës 07:55, në Xhafzotaj, pranë derës së banesës janë gjetur të vrarë me armë zjarri, shtetasit A. N. rreth 75 vjeç dhe bashkëshortja e tij, shtetësia J.N.
Me të marrë njoftim menjëherë në vendngjarje kanë shkuar Efektivet e Policisë, të cilët kanë bërë të mundur identifikimin dhe kapjen e autorit të dyshuar.
Dyshohet se autor është djali i tyre, shtetasi L.N. I cili po pyetet rreth rrethanave të ngjarjes, në sqarimin e plotë të saj. /Opinion.al
