Biznesmeni Xhevat Vataksi, 60 vjeç u plagos sot në mesditë në fshatin Darragjat (njësia administrative Berdicë) të Shkodrës. Ai është plagosur në këmbë dhe nuk ka rrezik për jetën, thanë mjekët. Sakaq, policia ka identifikuar, autorin, Artur Lushi, 43 vjeç banor i fshatit Berdicë.
Firma e ndërtimit “Vataksi” e biznesmenit në fjalë kishte fituar tenderin për rikonstruksionin e segmentit Berdicë-Trush. Nga pamjet e Abc Neës shohim se ngjarja ka ndodhur pikërisht në kantierin e ndërtimit të rrugës.
Policia tha se “jemi njoftuar se në fshatin Darragjat Shkodër, ka ndodhur plagosje me armë zjarri, ku ka mbetur i plagosur shtetasi Xhevat Vataksi 60 vjeç. Menjëhere jane vënë në levizje të gjitha shërbimet e policisë duke rrethuar zonën dhe duke bërë krehjen e zonës për të bërë të mundur identifikimi dhe po punohet për kapjen e autorit, shtetasit Artur Lushi. 43 vjeç, banues në fshatin Berdicë. Në vendngjarje ndodhet grupi hetimor nën drejtimin e Prokurorisë Rrethit Shkodër për sqarimin e rrethanave të ngjarjes”.
Burimet thanë se ka dyshime se autori, banor i zonës kishte prentendime pronësie dhe kjo mund të ketë çuar në konfliktin me biznesmenin që po rikonstruktonte këtë aks. Gjithsesi marrja në pyetje e tij dhe arrestimi i autorit, pritet të çojnë në zbardhjen e plotë të ngjarjes. /Opinion.al
Lexo edhe:
Vataksi pronar i restorantit te njohur tek Ura e Bunes
*Pamje nga vendi ngjarjes
