Javën e kaluar aktori Denzel Washington është shfaqur në tapetin e kuq për të promovuar filmin e tij, “Fences”. Ndër të tjera ai u pyet në lidhje me fenomenin e lajmeve të rreme dhe në veçanti me lajmin që ishte përhapur se ai kishte ndryshuar bindje gjatë zgjedhjeve presidenciale në Amerikë. Në fillim kishte mbështetur Clinton e më pas Trump.
Denzen i ka kthyer gazetares një përgjigje prej mjeshtri.
“Nëse ju nuk lexoni gazetën jeni të painformuar, por nëse e lexoni atë, jeni të keqinformuar.”- ka treguar aktori.
“Cili është efekti afatgjatë i gjithë këtij informacioni?” – ka pyetur ai për tju përgjigjur më pas vet.
“Një prej efekteve është nevoja për të qenë i pari, nuk ka më vlerë të qenit i vërtetë. Pra cila është përgjegjësia e juaj? Të thoni të vërtetën jo vetëm të jeni të parët.”
Pas “bombë” që i lëshoi gazetares, Denzel u ndie pak keq dhe për këtë i dhuroi një buzëqeshje./opinion.al
