Kryetari i Partisë Demokratike, Lulzim Basha, ka mbetur i befasuar nga qëndrimi që ka mbajtur një prej qytetarëve që ka takuar në Dibër, në kuadër të fushatës elektorale për zgjedhjet e 25 Qershorit.
Megjithëse drejton PD-në prej 4 vitesh dhe së fundmi ka marrë përgjegjësinë e plotë për hartimin e listave të kandidatëve për deputet, Basha duket se ka ende shumë punë për të bindur militantët apo mbështetësit e PD-së për t’a njohur si lider të kësaj partie.
“Për mua lideri është Sali Berisha, ti je thjeshte Lulzim Basha”, i tha një prej mbështetësve të PD-së, kreut demokrat.
Ai quhet Urim Jolla, nga Fshati Vojnike , Maqellarë dhe është i qartë kur thotë se nuk e njeh Bashën si kryetar të PD-së.
Por Basha i është kundërpërgjigjur militantit duke thënë se Berisha ka qenë në parlament, por kryetar është ai e jo doktori.
