“Kjo pajisje nuk është për përgjim. Të fala bëj Presidentit. Nuk kam si e ndihmoj”. Kështu është shprehur Saimir Tahiri rreth dy javë më parë në emisionin Opinion. Më shumë se njëherë ai ka thënë se Policia e Shtetit ka zbatuar ligjin. Tahiri ishte i ftuar në kohën kur plasi skandali i pajisjes përgjuese IMSI.
Tahiri ka thënë se kjo pajisje ka ndenjur gjithmonë në disponibilitetin e operatorit italian. Tahiri ka thënë gjithashtu se pajisja nuk ka përgjuar asnjë person. “Policia e shtetit nuk ka përdorur kurrë një pajisje për një përgjimin e qytetarëve”, shprehej ai.
Por sot, Prokuroria e Shtetit, pezulloi Drejtorin e Policisë, po ndjek penalisht dy oficerë të Policisë dhe sakaq mësohet se po bëhen hetime edhe për Tahirin.
Pajisja ka hyrë në mënyrë të paligjshme në Shqipëri dhe pa miratimin e Prokurorit, thuhet ndër të tjera në njoftimin e organit të akuzës.
Sakaq ditën që prokuroria ka shkuar ta sekuestrojë pajisja është lëvizur nga Drejtoria e Përgjithshme e Policisë.
Më poshtë keni videot, kur Tahiri mohonte përgjimin në emisionin Opinion si dhe njoftimin e sotëm të Prokurorisë që fajëson Policisë e Shtetit për këtë pajisje përgjuese.
Në Shqipëri u përgjua. Ikën drejtori i Policisë Çako, 2 oficerë në akuzë
