E cilësuar ndërkombëtarisht si një yll i vërtetë në ngjitje, Bebe Rexha ka tërhequr vëmendjen e të gjithëve, tashmë dhe gjigandëve të televizionit amerikan.
Bëhet fjalë për “The Tonight Show with Jimmy Fallon”, emisioni ku të gjithë yjet më të mëdhenj të spektaklit shfaqen. Tashmë dhe Bebe Rexha! Bukuroshja 28 vjeçare ka performuar live së bashku me producentin Martin Garrix bashkëpunimin që u kthyer menjëherë në hit, “In The Name Of Love”. Në një performancë më shumë vokale se sa skenike, dyshja ka treguar se kënga nuk është vetëm një hit klubesh. Padyshim një sfidë më vete të këndosh live një këngë kaq shpërthyese, por për Beben duket qartë se asgjë nuk është e pamundur.
