Kreu i opozitës, Lulzim Basha nëpërmjet një video-mesazhi ka treguar përse sipas tij nuk u votua në parlament ligji për vettingun e politikanëve, i propozuar nga Partia Demokratike.
Në mesazhin e tij Basha deklaron se nëse Edi Rama do ta votonte këtë ligj atëherë ai do të bënte subjekt të hetimit të gjithë ata që sipas Bashës kanë kryer vjedhjen e votave për Partinë Socialiste.
Partia Demokratike nuk i frikësohej këtij hetimi sipas kreut të selisë blu pasi ishte ajo që e propozoi atë në parlament por fakti që mazhoranca e rrëzoi atë sipas tij tregon se ka mbrojtur individë që më vonë kanë rezultuar të kenë patur dënime në të shkuarën. /Opinion.al
