Kreu i Partisë Demokratike, Lulzim Basha, teksa ka vijuar debatin në distancë me kryeminisrien Edi Rama, i është drejtuar atij me disa pyetje.
Përmes një postimi në “Facebook” në të ka cilin publikuar një pjesë të përgjimeve të “BILD”, Basha i kërkon Ramës shpjegime, se pse ka heshtur për ndalimin e hyrjes së Vangjush Dakos në SHBA.
Ndër të tjera, kryedemokrati ka hedhur akuza ndaj Ramës duke thënë se ai po mashtron për ndërtimin e 6 kullave në Tiranë, të cilat sipas tij, kapin vlerën e 200 milionë eurove.
Duke publikuar një pjesë të përgjimeve të “BILD’ për blerjen e votave, Basha i drejton disa pyetje Ramës, teksa ndër të tjera e pyet se “pse hesht hajduti psiqik për bankomatin e tij personal?”.
“Pse hesht hajduti psiqik për bankomatin e tij personal? Pse fshihet përditë pas mashtrimeve për 6 kullat 200 milionë euro dhe nuk belbëzon asnjë fjalë për Dakon?
Pse ka emëruar e po emëron vetëm kamikazë dhe shërbëtorë të krimit dhe të hajdutëve me pushtet në prokurorinë dhe drejtësinë e kapur? Përgjigjet i gjeni vetë në fjalët e treshes Rama-Dako-Avdylaj”, shkruan Basha./ Opinion.al E.Xh.
