Mario Balotelli është rikthyer në formacionin e Nice, sonte në mbrëmje, por ka marrë kartonin e kuq numër 3 në këtë sezon të Ligue 1, në sfidën e fituar 1-0 në Lorient. 26-vjeçari nga Italia e nisi shumë mirë këtë sezon me skuadrën e tij të re në një kampionat ku debutonte, por gjërat duket se kanë ndryshuar. Ai shënoi 9 gola në 13 ndeshjet e para në Ligue 1, aktualisht është në kuotën e 11 golave në 18 ndeshje zyrtare, por gjithashtu ka koleksionuar shtatë kartonë të verdhë dhe tre të kuq, më shumë se çdo lojtar tjetër në këtë edicion të Ligue 1.
“SuperMario” nuk ka qenë në formacion gjatë ndeshjeve të fundit, por këtë herë u rikthye në fushë që nga minuta e parë. Megjithatë, ai e la ekipin me dhjetë futbollistë, 20 minuta para fundit, kur u ndëshkuar me karton të kuq në fushën e Lorient. Në fakt vendimi i gjyqtarit është deri diku i çuditshëm sepse bërryli i Balotelli nuk ishte shumë lart ose i ngritur drejt kundërshtarit, megjithatë “xhaketa e zezë” mund ta ketë ndëshkuar italianin edhe për fjalët që mund t’i ketë thënë. Ky ishte kartoni i tretë i kuq në 14 ndeshje të Ligue 1 për Balotelli.
http://www.dailymotion.com/video/x5cdmo9_mario-balotelli-sent-off-red-card-hd-lorient-vs-nice-18-02-2017_sport
