Video/ Arti i fotografisë me dritat ultraviolet

Fotografia është padyshim një nga artet që tashmë përdoret masivisht. Zhvillimi i fotografise ka të bëjë edhe me zhvillimin e teknologjisë. Kamera më të mira, lente të shumëllojshme, shumë larg nga Camera Obscura, teknologjia e parë që mundësoi foton e parë në histori. Ky zhvillim ka lejuar krijimin e shumë zhanreve të reja por edhe arteve, si filmi e më vonë video, të cilat pa fotografinë nuk do ekzistonin. Gjithashtu pjesë e fotografisë është edhe ndriçimi. Në fillim natyral e më vonë artificial dhe i shumëllojshëm i cili ka lejuar artistet të krijojnë fotografi si kurrë më parë. Një nga ndriçimet është drita ultraviolet, e cila po të përdoret me disa bojëra e materiale të veçanta, krijojnë efekte fantastike. Benjamin Von Wong është një nga artistët më të njohur në fotografinë me drita ultraviolet. Ai ka përdorur këtë ndriçim në vende dhe mënyra të pa imagjinueshme më parë.