Betimi në komision i Shkëlzen Berishës është kthyer në temë diskutimi edhe për vet çiftin Berisha-Mevlani. Në videon e mëposhtme shfaqen Armina Mevlani dhe Shkëlzen Berisha që diskutojnë për këtë çështje, duke ironizuar socialistin Taulant Balla.
Armina Mevlani: Përshëndetje nga komisioni hetimor, këtu kam Shkëlzen Berishën. Do ta bëni betimin?
Shkëlzen Berisha: Vetëm nëse del nga makina.
Armina Mevlani: Po ti sikur para meje do ta bëje?
Shkëlzen Berisha: Kam ndryshuar taktikë.
Çështja e betimit të Shkëlzen Berishës në Komisionin Hetimor të PS tensionoi deputetin Balla, i cili nuk e priste që të ndodhej në atë situatë.
Shkëlzen Berisha refuzoi të betohej përpara Taulant Ballës, pasi ky i fundit është i dënuar për shpifje ndaj djalit të ish-Kryeministrit, e për pasojë ka konflikt interesi.
I vetmi kusht i Shkëlzen Berishës që të kryente betimin ishte që drejtimin e komisionit ta merrte një deputet tjetër, përveç Taulant Ballës, por deputeti i PS refuzoi të bënte diçka të tillë. /syri.net/
