Bota

Video/ Aeroplanit me 231 pasagjerë i shpërthen motori në fluturim


Bëhu pjesë e Grupit Zyrtar të Opinion.al
>> KËTU <<
               Publikuar në : 16:41 - 21/02/21 |
Opi Nion

Momente paniku janë regjistruar në Denver, ku një aeroplan “Boeing 777” i shpërtheu një nga motorët teksa ishte në fluturim.

Në bordin e aeroplanit ndodheshin 231 pasagjerë dhe 10 persona të ekuipazhit, të cilët fatmirësisht nuk pësuan lëndime.

Policia në qytetin e Broomfield postoi fotografi të asaj që duket të jetë pjesa e përparme e një shtrese motorike në kopshtin para një shtëpie në Denver.

Motori i aeroplanit shpërtheu menjëherë pas ngritjes nga aeroporti i Denver.

“Aeroplani filloi të dridhej dhe ne filluam të uleshim,” tha një nga pasagjerët e identifikuar si David Delucia.

Ai tha se bashkë me gruan vendosën portofolet nëpër xhepa dhe në rast rrëzimi të mund të identifikoheshin nëpërmjet kartave të identitetit.

Imazhet e postuara në internet treguan tym që del nga motori. Një video e regjistruar nga brenda aeroplanit tregon një motor në flakë. Incidenti ndodhi pak pas orës 13:00 me kohën lokale të shtunën.

Policia e Broomfield u bëri thirrje banorëve të mos prekin ose lëvizin mbeturinat. FAA dhe Bordi Kombëtar i Sigurisë së Transportit do të kryejnë një hetim./ Opinion.al

Pas