900 kilogramë marihuanë që mendohet se ka patur origjinë Shqipërinë është sekuestruar nga policia italiane. Droga është gjetur në një gomone, e cila u pikas nga mjetet aeronavale të “Fiamme Gialle” (raport i Guardia di Finanza), që patrullojnë vazhdimisht në Adriatik. Mjeti lundurues u vërejt në zonën e Puglisas dhe refuzoi shenjën e policisë për të ndaluar.
Personat në bordin e gomones janë përpjekur të largohen duke hehdur në det pjesën më të madhe të ngarkesës që ishte në bordin e gomones, ndërsa mjetin lundrues e braktisën në plazh.
Ndërkohë, efektivët arritën gomonen dhe aty gjetën praninë e disa ngarkesave, të mbështjella me material tipik që përdoret për mbështjelljen e marijuahës. Gjithashtu, agjentët vunë në dijeni për arratinë e dy skafistëve kolegët e Guardia di Finanza-s së Foggia-s, të cilët nga ana e tyre nisën një aksion për kapjen e trafikantëve.
Pas një patrullimi edhe me mjete ajrore u bë i mundur identifikimi i vendndodhjes së 2 të arratisurve. Ata u gjetën me rroba ende të lagura brenda një vile, pjesë e një kompleksi turistik , I përbërë nga apartamente pushimi.
Gomonia, rreth 9 metra e gjatë me dy motorë të fuqishëm u sekuestrua e më tej u dërgua në portin e Vieste (komunë po në provincën Foggia). Skafistët, K.B., 52 vjeç dhe B.A. 39 vjeç, të dy nga Vlora, me precedentë të mëparshëm, u arrestuan për trafik ndërkombëtar droge.
55 pakot e marijuhanës së sekuestruar në det kishin një peshë pre 885 kg, sasi që vlerësohet se nëse do shitjen me doza të vogla në vendin fqinjë, do gjeneronte më shumë se 8 milion euro. Ndërsa, të tjera pako mendohet se kanë humbur në det.
