Lefter Dauti, 36-vjeç banues në Tiranë dhe Qamile Hakorja, 26-vjeç banuese në Dibër janë shpallur në kërkim nga policia pasi dyshohet se kanë vjedhur një sasi të konsiderueshme parash.
Të rinjtë që kanë një lidhje intime me njëri-tjetrin sipas policisë në bashkëpunim kanë organizuar vjedhjen.
Ata kanë marrë informacione se kushërira e Dautit do të udhëtonte nga Peshkopia në drejtim të Tiranës, me një valixhe me para dhe bizhuteri, kështu që kanë bërë planin për t’ia grabitur ato.
Qamile Hakorja është paraqitur si udhëtare në linjën e furgonit me të cilin do të udhëtonte dhe K. Gj. dhe pasi ka udhëtuar disa orë, ka zbritur në Tiranë, duke marrë edhe valixhen, me pretendimin se ishte e saj.
Në cilësinë e provës materiale u sekuestruan 1.400.000 Lekë të rinj, 2770 Euro, 340 Paund dhe disa bizhuteri floriri.
Materialet i kaluan Prokurorisë së Rrethit Gjyqësor Tiranë, për veprime të metejshme procedurale, për veprën penale “Vjedhja”, kryer në bashkëpunim.
