Twitter-i i Chrissy Teigen është i famshëm, dhe pjesa më e bukur e tij janë vëzhgimet që ajo bën. Modelja dhe njëkohësisht bashkëshortja e këngëtarit John Legend shpesh ka postuar në llogarinë e saj se nuk i pëlqen presidenti Trump, dhe këtë e tregon me të gjitha mënyrat. Këtë e ka kuptuar edhe edhe ai vetë, dhe si shenjë mosaprovimi ndaj opinioneve të saj për të, presidenti Trump e ka bllokuar Chrissyn në Twitter.
Kjo nuk e ka ndaluar Chrissyn të vazhdojë të shkruajë për të. Madje jo më larg se të dielën ajo shprehu një tjetër opinion.
“Trump u bë president në të njëjtin vit që njerëzit filluan të hanin detergjent rrobash”, – shkruan ajo në Twitter.
Në fakt ky është një vëzhgim mjaft i saktë, pasi Trump fitoi zgjedhjet kundër Clinton në 2017, dhe po në të njëjtin vit filloi “me shaka” të përhapej trendi i ngrënies së kapsulave Tide.
Ndjekësit e saj në Twitter e kanë çuar më tej vëzhgimin duke bërë një lidhje mes këtyre dy ngjarjeve. Dikush shkruan: “A hanë njerëzit detergjent rrobash sepse Trump është president, apo Trump është president sepse njerëzit janë aq budallenj sa të hanë detergjent.”
Një tjetër thotë se do të ishte ide e mirë ta shtynin presidentin Trump të kryente ‘Sfidën e ngrënies së kapsulave Tide’:
“Mjafton t’i themi Trump-it që Obama ka ngrënë katër njëherësh”. / Pergatiti: Elena Lika
