Agjentët e njësisë së inteligjencës venezueliane (SEBIN) kanë arrestuar numrin dy të opozitës dhe një nga bashkëpunëtorët më të ngushtë të liderit Juan Guaido, Edgar Zambrano. Arrestimi i tij është bërë duke e tërhequr me karrotrec makinën ku brenda ndodhej Zambrano.
Ky është arrestimi i parë ndaj krerëve të opozitës në Venezuelë, që pas përpjekjeve javën e shkuar për të nxitur një kryengritje ushtarake për të rrëzuar Presidentin Nicolas Maduro.
Edgar Zambrano është zëvendës presidenti i Asamblesë Kombëtare që kontrollohet nga opozita. Ka qenë ai vetë që ka bërë të ditur lajmin përmes një postimi në Twitter.
https://www.youtube.com/watch?v=k-y8KDxSxTw
“U zumë në befasi nga SEBIN, pasi nuk na lejuan të dilnim nga automjeti ata përdorën një karrotrec për të na zhvendosur në drejt në Helicoide (zyrat qendrore të SEBIN)” shkruan Zambrano.
Ky arrestim erdhi pasi Asambleja Kushtetuese pro-Maduro vendosi të martën për t’i hequr imunitetin parlamentar Edgar Zambranos dhe ta bënin subjekt të hetimeve. / Burimi: Al Jazeera
