Qeveria vendosi sot të kalojë truallin e Teatrit Kombëtar në pronësi të Bashkisë së Tiranës. Ky akt është cilësuar si provokim ndaj Bashkimit Europian nga kreu i opozitës Lulzim Basha.
LEXO EDHE – Qeveria i kalon në pronësi Bashkisë së Tiranës truallin e Teatrit
Kreu i Partisë Demokratike ka reaguar në Twitter në lidhje me vendimin e qeverisë. Ai shkruan se ky vendim është një provokim ndaj BE duke ju referuar edhe deklaratave të mëparshme të Komisionieres së BE për kulturën.
“Ndërkohë që shqiptarët presin zgjidhje për krizën që ka pllakosur, Rama gjen kohë vetëm për të grabitur. Kalimi i TK në pronësi të kryebetonierit të mafias është akt lufte ndaj artit dhe qytetarisë dhe provokim ndaj BE dhe përfaqësuesve të saj në vigjilje të Ditës së Europës”, shkruan Basha.
Ndërkohë që shqiptarët presin zgjidhje për krizën që ka pllakosur, Rama gjen kohë vetëm për të grabitur. Kalimi i TK në pronësi të kryebetonierit të mafias është akt lufte ndaj artit dhe qytetarisë dhe provokim ndaj BE dhe përfaqësuesve të saj në vigjilje të Ditës së Europës.
— Lulzim Basha (@lulzimbasha_al) May 8, 2020
Mariya Gabriel, Komisionerja e Bashkimit Europian për inovacionin, kërkimin, kulturën, edukimin dhe rininë, bëri të ditur publikisht mbështetjen e saj për shtatë nismat për mbrojtjen e vendndodhjeve me rëndësi të veçantë të trashëgimisë kulturore që më 24 mars u shpallën si pjesë e programit të “Europa Nostra” për vitin 2020, ku Teatri Kombëtar figuron në krye. / Opinion.al
