Politikë

Vendimi i “Kushtetueses”, Bardhi: Rama dështoi për të mbrojtur mandatin e Xhaçkës



Bëhu pjesë e Grupit Zyrtar të Opinion.al
>> KËTU <<
               Publikuar në : 21:46 - 23/01/23 |
Opi Nion

Deputeti i PD, Gazment Bardhi ka reaguar pas vendimit të Gjykatës Kushtetuese që pranoi kërkesën e demokratëve për mandatin e deputetes të ministres së Jashtme Olta Xhaçka.

Bardhi shkruan në rrjetet sociale se kryeministri Edi Rama dështoi për të mbrojtur mandatin e Xhaçkës me një vendim antikushtetues të Kuvendit.

Në reagimin e tij Bardhi shprehet se “ky është vetëm akti i parë i një beteje që duhet të përfundojë me një vendim tjetër te pavarur e të pandikuar për t’i hequr Olta Xhaçkës mandatin e deputetit për shkelje të rëndë të Kushtetutës”.

Reagimi i plotë:

Edi Rama dështoi për të mbrojtur mandatin e Olta Xhaçkës me një vendim antikushtetues të Kuvendit. Kërkesa jonë që vendimi për vlefshmërinë e mandatit te deputeti i takon vetëm Gjykatës Kushtetuese u pranua. Tani, Edi Ramës i duhet ta dorëzojë investitoren e vet strategjike me mandat deputeti para Gjykatës Kushtetuese.

Ky është vetëm akti i parë i një beteje që duhet të përfundojë me një vendim tjetër te pavarur e të pandikuar për t’i hequr Olta Xhaçkës mandatin e deputetit për shkelje të rëndë të Kushtetutës. Kush përfiton në mënyrë antiligjore nga pasuritë publike duhet të mbajë përgjegjësi!

Trajtim i pasurisë kombëtare si plaçkë personale e Kryeministrit për ministrat dhe familjarët e tyre duhet të ndëshkohet. Ky është vendimi që presin qytetarët nga drejtësia!

Pas