Detaje të reja kanë dalë në dritë për ngjarjen e ndodhur mëngjesin e sotëm në zonën e Freskut, ku 63-vjeçari Vehap Cami qëlloi për vdekje vëllain 68 vjeçar, Lulëzim Cami dhe më pas vrau veten.
Dyshohet se përplasja ka qenë e hershme mes vëllezërve në banesë për shkak të pronave.
Viktima Lulëzim Cami jetonte në banesën ku ndodhi krimi ndërsa autori i ngjarjes Vehap Cami jetonte në Lundër.
Ky i fundit ka shkuar në banesën e Lulëzimit dhe ka hyrë brenda. U fut brenda, aty u përball me vëllain, por nuk patën asnjë debat. Më pas e qëlloi me pistoletë duke e lënë të vdekur në vend. Pasi i mori jetën vëllait, Vehap Cami vrau edhe veten.
Në momentin e krimit në shtëpi kanë qenë të pranishëm edhe familjarët e Lulëzim Camit, të cilët fatmirësisht nuk pësuan asnjë lëndim.
Grupi hetimor dyshon se përplasja mes vëllezërve ka qenë e hershme për shkak të pronave. Për këtë arsye po pyeten edhe familjarë të tyre për të dhënë më shumë informacione që ndihmojnë hetimin.
