Vëllai i Zhaneta Josifit, Selman Fejzo ka pohuar se mbesën e tij të ndjerë Anisa, nuk e kishte takuar që prej 2 vitesh.
Në një rrëfim për ‘News24’, ai thotë se kishte njoftuar edhe policinë por atyre iu ishin përgjigjur Zhaneta dhe Blerta Josifi duke i thënë se Anisa ishte mirë.
“Anisa nuk dilte sa here shkonim ne shtëpi. Na thoshin “Anisa eshte ne shtepi, po lexon e po fle”. Nuk na shkonte kurre mendja qe do ndodhte kjo gje. Prej kohesh nuk po kontaktoja dot me motrën. U detyrova te shkoja ne Polici. Motra me vajzen iu pergjigjen thirrjeve te Policise. Motra dhe Blerta i thane Policise “Jemi ne shtepi”. Policia na tha se motra me vajzat ishin mire. Anisen kisha rreth 2 vjet pa e takuar. Ne shtepi nuk kemi ndjere kurre ere te rende. Nuk e kuptojme arsyen e ketij akti ekstrem. Nuk kam informacion ne cilin sekt fetar ishin perfshire. Vajzat ishin me shkolle te larte, vetem e ema punonte”, tha ai.
Ndërkoha, daja i dy vajzave, pohoi se interesohej shpesh për to nëse kishin probleme apo kërcënoheshin nga dikush. Ndër të tjera ai tha se bashkëshorti i motrës së tij ishte vetëvrarë para 16 vitesh, pasi i kishte rënë një trompozë, ndërsa ishte hedhur nga kati i katërt i pallatit ku jetonin.
“Interesohesha nese kishin probleme apo kercenime. Babai i vajzave pesoi tromboze para shume vitesh dhe më pas vetëvra. Ai u hodh nga kati i katërt i pallatit.
Mbrëmjen e 2 korrikut, pas denoncimeve të fqinjëve dhe vëllait të Zhaneta Josifit, policia hyri në banesë dhe gjeti pa jetë atë dhe vajzën, Anisa. Kjo e fundit madje sipas ekspertizës mjeko-ligjore kishte vdekur 15 muaj më parë dhe ishte mbajtur në banesë, ku nëna dhe motra e lyenin trupin me vaj e uthull dhe e kishin mumifikuar pasi besonin tek Ringjallja.
Në banesë u gjet edhe vajza e madhe, Blerta e cila ka marrë ndihmën mjekësore por ndodhet në gjendje të rëndë psikologjike. /Opinion.al
