TIRANË- Këshilli Bashkiak i Tiranës pritet të votojë sot vetëm me votat e të majtëve dhënien me koncension të Parkut Rinia për kompaninë Taiwan. Kjo kompani është në pronësi të Besnik Sulës (80%), Apostol Goci (5%), Albano Aliko (5%) dhe Avni Bracaj (10%).
Parku Rinia do të jepet me qëllim kthimin në parkim nëntokësor. Të djathtët në këshill janë shprehur kundër këtij vendimi të bashkisë.
Sakaq mësohen detaje të tjera për kompaninë që po merr me koncension parkun Rinia. Aksionet e Besnik Sulës që nga korriku i vitit 2015 janë në sekuestro për shkak të një borxhi të pashlyer prej 100 000 eurosh.
Po kështu kontrata e negociuar në Maj të vitit 2009 është miratuar në tetor të vitit 2015. Përveç problemit ligjor që krijohet se Ligji i Koncesioneve ka ndryshuar dhe duhet të negociohej, termat ekonomike sigurisht që duheshin negociuar sepse jemi ne kushte të ndryshme nga viti 2009. Ky koncesion sipas dokumenteve të firmosura nga Veliaj nuk ka garanci kontrate, nuk ka opinion të Agjensisë së Koncesioneve.
Kjo kontratë e dyshimtë nuk është firmosur nga juristja dhe as sektetari i Këshillit Bashkiak të Tiranës.
