Kryetari i Bashkisë së Tiranës, Erion Veliaj nuk është mjaftuar vetëm me një deklaratë për mediat pas 8 orësh qëndrimi në SPAK për çështjen e inceneratorëve.
Pasi doli nga SPAK, Veliaj ka marrë pjesë në mbledhjen online të Këshillit Bashkiak, teksa opozita proteston para Bashkisë së Tiranës.
Gjatë fjalës së tij, Veliaj vlerësoi SPAK, ndërsa nuk i kurseu akuzat dhe ironitë për opozitën. Ndër të tjera, Veliaj është shprehur se kishte kohë që donte që të takohej me prokurorët e SPAK, gjë e cila iu realizua sot për rreth 8 orë.
Po ashtu, krybashkiaku nuk i kurseu sulmet ndaj protestës së opozitës.
“Në vend që të më prisnin prokurorët, më pritën makina nga 100 euro të këtyre që kanë mbushur stanin me lepuj. Për në është më e rëndësishme të japim, bono për qiratë… të japim shpërblime për Partizanin…Kjo është një betejë civilizimesh, nuk është një betejë mes të majtës dhe së djathtës. Pata sot një mundësi të jashtëzakonshme për të qenë në SPAK, një mundësi të shkëlqyer për t’i treguar punën e kësaj bashkie, dy kolegëve hetues. Dhe dola me një ndjesi krenarie se forca jonë po bën institucion. Një organizatë e disiplinuar, të mençur, pashë staf të republikës së Shqipërisë, që me votën e PS, dhe me buxhetin e PS, ka arritur të krijojë një institucion për të pasur zili…”, u shpreh ai mes të tjerash.
