Ky është dyshimi i prokurorisë së Kavajës që po e heton këtë rast. Këto dy kalime nga autostrada Plepa – Golem në rrugën dytësore në krah të djathtë janë lëënë qëllimisht për të favorizuar këtë pikë karburanti.
Prokurorët që po mbledhin të gjitha provat dhe shkresat zyrtare mbi sigurinë e kësaj rruge, dyshojne se kjo ka qënë arsyeja që Autoriteti Rrugor Shqiptar e ka marrë në dorëzim rrugën edhe pse ishte cënuar një element i rëndësishem i sigurisë rrugore.
Për këtë arsye Autoriteti Rrugor Shqiptar është institucioni që po hetohet për këtë rast.
Burime nga Prokuroria konfirmojnë se, është regjistruar procedimi penal për akuzën e shpërdorimit të detyrës pasi ka dyshime se ky institucion nuk ka zbatuar rregulloren në aksin rrugor ku ndodhi aksidenti.
Burimet sqarojnë se ka mungesë të thesuar të sinjalistikës rrugore çka ka sjellë dhe aksidentin fatal.
Mbrojtjësja metalike, sipas prokurorisë së Kavajës, nuk duhet të ishte e ndërprerë në asnjë rast, në një rrugë ku shpejtësia maksimale e lejuar është 100 kilometër në orë.
Por edhe sinjalistika në lidhje me shpejtësinë po hetohet. Vetëm në vendin ku mbrojtësja nuk është vendosur, shpejtësia është 60 kilometër në orë.
Dhe ky nuk është rasti i vetëm mbi të cilin prokuroria po heton drejtuesit e Autoritetit Rrugor. Drejtori i saj Dashamir Xhika është kallëzuar nga KLSH për akuzën e shpërdorimti të detyrës, duke i shkaktuar buxhetit të shetit një dëm pre 5 milion eurosh. Dëmi ka ardhur kryeisht nga mungesa e supervizimit në zbatimin e projekteve të infrastrukturës rrugore.
Në sitën e hetuesve për aksidentin e të shtunës do të kalojnë dhe veprimet e kompanisë që ka ndërtuar këtë pjesë të rrugës, nëse ajo nuk e ka vendosur me iniciativë të saj mbrojtesën anësore pranë këtij karburanti, apo i është kërkuar nga drejtuesit e Autoritetit Rrugor Shqiptar dhe Ministria e Transporteve.
