Grupi Xhihadi Islamik Palestinez bëri me dije se një prej pengjeve izraelite kishte ndërruar jetë.
“Ne kemi shprehur më parë gatishmërinë tonë për ta liruar atë për arsye humanitare, por armiku nuk reagoi dhe kjo shkaktoi vdekjen e saj”, shkroi Brigada Al Quds në Telegram.
Mediat izraelite raportuan se bëhet fjalë për gruan 76-vjeçare, Katzir Hanna, e cila ishte rrëmbyer më 7 tetor, raporton jerusalempost.
Ndërkohë, qeveria izraelite pritet të arrijë marrëveshje me grupin palestinez, Hamas, për lirimin e pengjeve izraelite.
Sipas burimeve të NBC, marrëveshja do të përfshijë: Një pauzë prej katër deri në pesë ditë të luftës; Lirimin e 50 pengjeve izraelite, të gjithë do të jenë gra dhe fëmijë; Lirimin e 150 të burgosurve palestinezë nga Izraeli sërish gra dhe fëmijë; Lejimin e hyrjes së 300-400 kamionëve me ndihma humanitare në Gaza.
Procesi i lirimit të pengjeve izraelite do të kalojë nëpër pesë faza.
