Kreu i Partisë Demokratike Sali Berisha ka mbajtur një minutë heshtje për ndarjen nga jeta të Atit të Shenjtë, Papa Françesku.
Teksa ka nisur fushatën në Pukë, Berisha u shpreh se Ati i Shenjtë ishte një burrë i madh i njerëzimit dhe mik i shquar të kombit shqiptar.
Ai tha se mbarë njerëzimi ka humbur një kolos të mendimit dhe besimit tek Zoti.
”Nderojmë me një minutë heshtje një burrë të madh të njerëzimit, një mik të shquar të kombit shqiptar Papa Françeskun, i cili u nda sot nga jeta.
Krishtërimi, mbarë njerëzimi, shqiptarët kanë humbur një kolos të mendimit, besimit te Zoti, por edhe të dashurisë e respektit tek njeriu”, tha Berisha.
