Aktualitet

Vdekja e Lear Kurtit/Raporti i Avokatit të Popullit:Policia mund të parandalonte ngjarjen



Bëhu pjesë e Grupit Zyrtar të Opinion.al
>> KËTU <<
               Publikuar në : 17:06 - 17/01/23 |
Opi Nion

Avokati i Popullit ka publikuar këtë të martë një raport në të cilin thuhet se vdekja e të riut Lear Kurti mund të ishte parandaluar.

Lear Kurti humbi jetën në duart e efektivëve të policisë për shkak të mbidozës së kokainës disa muaj më parë. Raporti i bërë nga Avokati i Popullit i është dorëzuar Drejtorit të Përgjithshëm të Policisë së Shtetit.

Në raport thuhet se shoqërimi i të riut ka qenë në kundërshtim me dispozitat ligjore, pasi nuk mund të bëhet shoqërimi i një personi vetëm duke u mbështetur në dyshime të pa arsyeshme.

“Duke mbajtur në konsideratë natyrën e çështjes, në raste të tilla shërbimet e policisë, mund ta parandalonin këtë ngjarje, në kushtet e veprimeve apo mosveprimeve që përfaqësuesit e rendit publik kishin si detyrim të kryenin. Nisur nga këto deklarime si dhe duke iu referuar nenit 109 të ligjit të sipërcituar, rezulton se punonjësit e policisë kanë vepruar në kundërshtim me dispozitën e mësipërme, sepse nuk mund të bëhet shoqërimi i një personi duke u mbështetur vetëm në dyshime të pa arsyeshme. Sipas dispozitës së cituar, dyshimet duhet të jenë të arsyeshme, për kryerjen e një krimi, për të parandaluar kryerjen e një vepre penale, ose për identifikimin e personit ndaj të cilit zhvillohen hetime (pikat ‘c’ dhe ‘ç’ parashikojnë se në rastin konkret, nuk ndodhemi as para shoqërimit, ndalimit dhe as para arrestimit në flagrancë, që parashikon Kodi i Procedurës Penale (KPP). Në këto rrethana, punonjësit e Policisë kanë vepruar në kundërshtim me nenin 27 të Kushtetutës dhe nenit 5 të Konventës Europiane të të Drejtave të Njeriut (KEDNJ), që parashikojnë rastet kur mund të kufizohet liria e personit.”-shkruhet në raport.

Në raport gjithashtu theksohet se mungesa e procedurave dhe dokumentimit të shoqërimit në komisariat të të riut përbën shkelje të rëndë disiplinore.

“Procedurat e evidentimit të veprimeve që janë kryer me të shoqëruarin kryhet nga punonjësi i policisë që ka punuar dhe sqaruar çështjen, ndërsa hedhja e të dhënave në regjistër dhe në sistemin elektronik të të dhënave kryhen nga punonjësi i policisë të shërbimit të informacionit në njësinë policore. Mos zbatimi i kësaj kërkese nga personat përgjegjës për dokumentimin e aktit të shoqërimit, përbën shkelje të rëndë disiplinore”, -thuhet ndër të tjera në raport.

Pas