Detaje të reja kanë dalë për vrasjen e 34-vjeçarit Indrit Ndoj, i cili u gjet i pajetë mëngjesin e sotëm në Fushë-Krujë, në lagjen “Bakishe Visha”.
Sipas “News 24”, Ndoj ka qenë nën masën “arrest shtëpie”, pasi në shator të vitit 2021 ishte arrestuar për trafik klandestinësh.
Ndërkohë, nga këqyrja paraprake e trupit të viktimës, ka rezultuar se i riu kishte mbi 24 orë që kishte ndërruar jetë.
Po ashtu dyshohet se ndaj 34-vjeçarit para se të qëllohej për vdekje është ushtruar dhunë.
Indrit Ndoj, u gjet i vdekur në kanal nga familjarët e tij mëngjesin e sotëm, ndërsa sipas njoftimit të policisë, i riu në këmbë kishte një plagë që mendohet se është shkaktuar nga arma e zjarrit./Opinion.al
