Vazhdojnë hallet te Tirana, u lanë jashtë stadiumit, tifozët kontestojnë drejtuesit e ekipit

Dje Tirana barazoi në transfertë ndaj Laçit, ndërsa pas përfundimit të pjesës së parë parë klubi bardheblu u ankua për një penallti të padhënë.Gjithashtu një tjetër episod që nxiti debate ishte fakti që drejtuesit e Laçit nuk lejuan të futen më shumë se 120 tifozë në stadium, duke kërkuar të respektohet rregullorja për 5% që i takon tifozerisë mike. Nisur nga kjo, edhe ata tifozë që kishin hyrë në stadium vendosën të dalin. Pas ndeshjes klubi bardheblu denoncoi ngjarjen, duke publikuar një faksimile nga uebsajti zyrtar i FSHF­-së ku thuhet se stadiumi i Laçit ka një kapacitet me 3000 ulëse. Gjithsesi pavarësisht fakteve të paraqitura, tifozët kanë kontestuar klubin duke e konsideruar atë të pafuqishëm për t’i mbrojtur ata. Gjithashtu ka patur nga ata që denoncimi i klubit bardheblu bëhet me qëllimin që të humbet vëmendja nga barazimi në fushën e blertë. Nuk ka mbetur pa marrë kritika edhe fakti që skuadra luajti dje me uniformat e vjetshme të prodhuara nga “Legea”, dhe jo me ato të rejat të sponsorit teknik “Macron”./ Sportal.al