Petrit Vasili ka reaguar ndaj Vasilika Hysit dhe Ulsi Manjës të cilët e akuzuan se ka qenë në dijeni për ligjin 491 të ekstradimit të personave të dënuar jashtë vendit. Bëhet fjalë për ligjin, të cilin PD-ja ka akuzuar drejpërdrejt Fatmir Xhafën se ka manipuluar këtë ligj për të shpëtuar nga burgu vëllanë e tij.
Vasili në përgjigje të akuzave të deputetëve të mazhorancës tha se “procedura parlamentare është e qartë se çdo nen që ndryshohet duhet të shkruhet si ishte dhe si bëhet. Neni në fjalë 491 është ndryshuar me propozim të Vasilika Hysit dhe nuk është hedhur në procesverbalin e punës së komisionit. Ndryshimi nuk u legaluzua por u fut tinëz në seancë plenare”, tha Vasili.
Duke folur për Ulsi Manjën, Vasili tha se “Gënjeshtar dhe provincial që është gati të shkatërrojë gjithë reformat e vendit. Ai tha se më kanë çuar email kur isha ministër Por, unë s’kam kthyer përgjigje. Kam qenë në dijeni të shumë mashtrimeve por të mashtrimit në fjalë, jo”, tha më tej Vasili.
