Eksperiza mjeko-ligjore ka dalë në konkluzionin se Guri Përgjegji, 46 – vjeç (personi në foto) ka kryer marrëdhënie seksuale me të bijën minorene. Ngjarja e rëndë ka ndodhur në fshatin Përgjegje, në zonën administrative të Kastriotit, në Dibër.
Policia ishte njoftuar një ditë më parë në rrugë operative, se një minorene me inicialet E.P, 15 vjeçe, ishte në gjendje të rëndë psikologjike, për shkak të një agresioni.
Një patrullë e policisë e gjeti në banesën e xhaxhait të saj minorenen, që jetonte me babain dhe njerkën në këtë shtëpi që shihni në këto pamje.
Pasi u dërgua në policinë e Peshkopisë, ajo u mor në pyetje nga një prokuror në prani të njerkës dhe një psikologu. Gjatë seancës, ajo ka rrëfyer në detaje momentet e tmerrit, se si e kishte përdhunuar babai i saj biologjik.
Rreth orës 11 të së enjtes, ata gjendeshin bashkë në një zonë me pyll në afërsi të fshatit, ku ai e ka detyruar të kryejë marrëdhënie seksuale me dhunë. Pas kësaj është larguar duke e lënë vajzën në gjendje shoku.
Për disa orë efektivët e policisë së Dibrës kanë kërkuar Përgjegjin nën zonën e pyllëzuar rreth fshatit, dhe pas 12 orësh e kanë lokalizuar atë në një shtëpi të braktisur.
Veç dëshmisë së vajzës, dhe ekspertiza mjeko- ligjore ka konfirmuar përdhunimin e minorenes. Mësohet se 15 vjeçarja ka mbetur jetime kur ishte 8 vjeç, pasi nëna vdiq ne aksident, duke e lene atë dhe vëllanë më te vogel me te atin manjak. Me vone ai ështe është martuar, por nuk i ka lene asnjehere prapesite, thone banorët e fshatit te vogel ne Diber.
