Një vajzë 2-vjeçare ka rënë nga ballkoni i banesës së saj në qytetin e Beratit.
Vogëlushja ishte duke luajtur në banesë, në lagjen “30 Vjetori kur një lodër e saj ka rënë nga ballkoni.
Duke tentuar të kapë lodrën, vajza ka rënë nga ballkoni. Gjyshja e vajzës, që ndodhej pranë saj kur ka ndodhur ngjarja, nuk ka mundur të evitojë aksidentin.
Ajo është transportuar më pas në spital dhe ndodhet jashtë rrezikut për jetën.
Vajza ka mbërritur në spital rreth orës 14:30 me shembje në pjesë të ndryshme të trupit, por ndodhet jashtë rrezikut për jetën.
