Ushtria amerikane ka filluar ndërtimin e një porti të përkohshëm detar në bregdetin e Gazës, përmes të cilit ndihmat duhet të arrijnë në Rripin e Gazës, i cili pritet të jetë gati në maj, njoftoi sot Pentagoni.
“Unë mund të konfirmoj se luftanijet amerikane, përfshirë USNS Benavidez, kanë filluar ndërtimin e portit” tha zëdhënësi i Pentagonit, Patrick Ryder.
Ai shtoi se Pentagoni po heton se nga erdhi sulmi me mortaja që shkaktoi dëme minimale në zonat e dokut, por shtoi se forcat amerikane nuk ishin të pranishme në terren në kohën e sulmit.
Presidenti amerikan, Joe Biden, ka urdhëruar forcat që të mos shkelin në bregun e Gazës.
Porti ndodhet vetëm në jugperëndim të qytetit të Gazës. Zona dikur ishte rajoni më i populluar i territorit, përpara nisjes së ofensives tokësore izraelite, duke zhvendosur mbi 1 milion njerëz në jug drejt qytetit të Rafahut në kufirin me Egjiptin.
