Ushtarët rusë vijojnë të tregojnë që nuk kanë mëshirë për qytetarët ukrainas. Protestuesit në Berdyansk u përplasën me trupat ushtarake ruse, të cilët arrestuan dy qytetarë dhe i dhunuan.
Trupat ushtarake ruse pushtuan për herë të parë ndërtesat qeveritare në Berdyansk më 27 shkurt. Berdyansk ndodhet në Detin Azov dhe është afërsisht 70 kilometra në jugperëndim të Mariupolit.
Videot janë gjeolokuar dhe vërtetësia e tyre është konfirmuar nga CNN.
Në videon e parë, e cila duket se është marrë para ndalimeve, protestuesit ukrainas këndojnë “Chervona Ruta”, një këngë të famshme pop, pranë shëtitores që kalon përgjatë detit Azov.
Videoja e dytë tregon se në një moment, trupat ushtarake ruse duket se kanë arrestuar të paktën dy protestues – duart e të cilëve janë të lidhura pas shpine, përcjell Gazeta Express. Njëri prej protestuesve goditet vazhdimisht nga një prej ushtarëve ndërsa ata janë të shtrirë në tokë.
In Berdyansk, people went on a peaceful protest against Russians – they began to detain and beat them. Shots were also heard in the air.
The video was sent by a local resident#StandWithUkraine pic.twitter.com/7SW1tcMkpI— Oleksandra Matviichuk (@avalaina) March 20, 2022
