Universiteti i Tiranës parashikon të trefishojë buxhetin për bileta avioni për vitin 2020. Në relacionin e dërguar Rektoratit të UT më datë 13 shkurt shpenzimet e vitit 2019 për bileta udhëtimi kanë qenë rreth 21 milionë lekë të vjetra ndërsa për vitin 2020 fondi i parashikuar është 75 milionë lekë.
Referuar relacionit, Rektorati do të katërfishojë buxhetin e biletave të udhëtimeve, nga 4 në 16 milionë lekë. Në vitin 2019, vetëm tre fakultete kanë shpenzuar për bileta avioni, Gjuhët e Huaja, Shkencat Sociale dhe Shkencat e Natyrës.
Universiteti i Tiranës nuk ka aktualisht pedagogë të huaj të cilët mund të përdorin këto fonde por ende nuk ka informacion nëse UT ka kontraktuar pedagogë të jashtëm të cilët jetojnë jashtë Shqipërisë.
