“Është hajdutëri. Është megavjedhje”. Kështu u shpreh sot lideri demokrat Lulzim Basha, duke folur për projektin e Unazë së Re. Basha tha se PD do të kerkoje ndjekje penale për drejtorin e Rrugëve, Afrim Qendro. Sipas tij në asnjë vend të botës, një rrugë ekzistuese nuk shkon 20 mln euro për 1 km. Ai fshikoi edhe të huaj në Shqipëri duke thënë: “Ku janë institucionet e huaja që hanë e pinë në restorante të shtrenjta dhe lavdërojnë verën shqiptare. A nuk e shohin ata këtë abuzim të qeverisë?”
Basha për të huaj
Kam një pyetje për organizatat ndërkombëtare që financohen me paratë e taksapaguesve të Europës dhe gjithë botës, të cilët lejojnë vjedhjen e hapur duke shkelur çdo standard të mirëqenë të mirëqeverisjes dhe të shtetit lidhor. Ku jeni? Për çfarë paguheni? Për çfarë pune jeni këtu? Për të bërë pasarela, për të ngrënë e të pirë në restorante të shtrenjta, për të na treguar se sa e mirë është cilësia e verës shqiptare? Ja ku e keni mirëqeverisjen, reformën në drejtësi. Një kryeministër harbut, hajdut, që shkel kushtetutën, shkel ligjin dhe sot, po rreh fëmijë dhe gra për të vjedhur. Pse heshtni, heshtja ju bën bashkëfajtor, heshtja ju bën të pabesueshëm në sytë e shqiptarëve.”
Basha për banorët
Kjo është një tragjedi që po ndodh me mbi 1000 familje që jetojnë në më shumë se 300 banesat që rrezikojnë të prishen nga Edi Rama. Asnjëri prej banorëve të Unazës së Re nuk është zaptues, kanë blerë tokën dhe kanë paguar taksat e faturat e ujit dhe dritat. Rama mashtron, secili prej tyre e ka blerë tokën dhe të gjithë janë në proces legalizimi, disa prej tyre janë legalizuar. Unë do të jem sot pasdite sërish në protestë me ta.
