Kryeministri Edi Rama u shfaq sërish sot në mesditë në ERTV për të folur për banorët e Unazës së Re ose ndryshe “Astiri” që preken nga shembjet për zgjerimin e rrrugës.
Rama kësaj radhe foli me tone të buta për qytetarët, ndërsa sulmoi politikanët dhe analistët, ndryshe nga dje në parlament ku mori nëpër gojë 5-6 banorë të zonës që kanë nga 3-4 shtëpi.
Sot Rama iu drejtua banorëve të Astirit “o miq, po të mos kishit hedhur shashka e kapsolla para parlamentit do të ishin duke fjetur rehat”.
Po kështu Rama tha se “politikanët po i përdorin për interesat e tyre, pasi sipas tij nuk e mundin dot në kutitë e votimit.
Rama nuk la pa përmendur edhe gazetarë, emisione apo portale që e kanë kritikuar dhe kanë mbështetur banorët. Ai përmedi të parin Ylli Rakipin, analistin Andi Bushati, drejtuesin e Syrit, Cim Peka dhe drejtuesin e 360 gradë Artur Zheji. Rama tha se në rastin konkret, Ylli Rakipi ka problem personal pasi OSHEE ka shkëputur kontratën e qirasë me objektin në pronësi të Rakipit tek Tirana e Re.
Më poshtë pjesë nga deklarata e Ramës në rubrikën “Përgjigja ime” në ERTV që merr shkas nga pyetja e një komentuesi i cili thotë se janë “gjynah të nxirren jashtë banorët e Astirit”.
Rama: Ne duam të ndërtojmë Tiranën, dhe të mos e lëmë Kandahar si ata (PD) dhe për interes publik janë bërë prishje pa fund.
Në Unazën e Re janë konretisht 134 objekte të paligjshme, 77 të ligjshme, ku 50 prej këtyre të ligjshmeve kanë bërë kontratë me ARRSH-në.
Ata që janë pa dokumente, të palegalizuara një pjesë janë shtëpi, ndërsa pjesa më e madhe janë godina për biznes. Për familjet do ofrohen bonuse qeraje nga bashkia.
Përtej kësaj janë ata që kanë një luftë politike. Janë ata që i përdorin njerëzit mish për top. Nëse nuk do kishin dëgjuar ata (opozitën) sot protestuesit do ishin në shtëpi jo në burg. Po pse buddallenj ishin njerëz si Robert Ndrenika për Teatrin Kombëtar që zgjodhën të sqaroheshin dhe u bindën. Aty kanë mbetur tani vetëm nja dy veshgjatë (aktorët që protestojnë për teatrin).
Të gjithë tani shkojnë tek Unaza e Re për ti hedhur benzinë zjarrit. O miq Lul Kadriu nuk i ha qoshja për shtëpitë tuaja. E ka hallin tek shtëpia e tij me lagështi. Tek humbja e zgjedhjeve.
Janë edhe ata që u qajnë hallin në kanale e portale që kanë dreqin në bark dhe skanë as din as iman. Është Kadri Ylli (Ylli Rakipi) me pallat 10 katësh që në emër të tij janë derdhur 2500 euro në muaj dhe garanci 30 mijë euro. Kjo kontratë qiraje e OSHEE me godinen e Yllit është prishur nga organizata kriminale e Rilindjes. Po i them atij se organizatës nuk i ha qoshja as për jashtëqitjet as gjobat…as për Qim Kadriun, Artur Kadriun. Për këta biznes-media. Kush ka dëgjuar këta le të më dëjojë edhe mua se është halle halle kjo dynja.
*Në videon më poshte deklerata e plotë e Ramës
