Protesta e banorëve të zonës së “Astirit” që kundërshtojnë shembjen e mbi 300 objekteve që parashikohet të prishen për t’i hapur rrugë ndërtimit të një autostrade urbane nga Sheshi Shqiponja deri te Pallati me Shigjeta, ka hyrë sot në ditën e 20-të.
Këtë pasdite protestës tek ‘Unaza e Re’ i është bashkuar edhe kreu i opozitës, Lulzim Basha.
Basha sulmoi ashpër para mediave kryeministrin Edi Rama, ndërsa tha se ky projekt antiligjor që sipas tij ka vlerën e 40 milionë euro, është për vilën e tij në Surrel.
“Edi Rama është një hajdut. Këta banorë janë këtu se ai do vjedhë 40 milionë euro, duke shkelur ligjin dhe Kushtetutën dhe ligjin për shpronësim. Ai është projekt për vilën e Surrelit. Agai i ka bërë pazaret, për të vjedhur 40 milionë euro”, – tha Basha.
Qindra qytetarët vazhdojnë të mbajnë të bllokuar aksin rrugor, në shenjë proteste për të mbrojtuar shtëpitë dhe pronën e tyre.
Një nga qytetarët tregoi se ai i ka shpëtuar dhunës dhe torturës së grekëve dhe po vritet nga kryeministri i Shqipërisë.
“Unë i shpëtova grekut, po më vret Edi Rama. I bëj thirrje Edi ramës që i kam dhënë votën të vijë të përballet me mua”, – deklaroi një nga qytetarët.
Përveç Bashës, në mbështetje të banorëve kanë shkuar edhe deputetë të PD-së dhe LSI-së.
Shiko videon:
