Ukraina mësohet t’i ketë bërë thirrje Iranit për kthimin e kutive të zeza të aeroplanit ukrainas me pasagjerë, i cili u rrëzua në fillim në këtij muaji nga një sulm iranian duke lënë të vdekur 176 persona.
Ministri i Jashtëm ukrainas, Vadym Prystayko i ka bërë këtë kërkesë ministrit iranian për Rrugë dhe Zhvillime Urbane, teksa ky i fundit ka qenë në vizitë në Kiev për të diskutuar mbi tragjedinë.
“Detyra kryesore e Mohammad Eslamit është të kërkojë falje dhe të pranojë atë që ka ndodhur.
Ne shpresojmë se mund të shkojmë pak më larg sesa diskutimet politike dhe t’i diskutojmë problemet praktike. Në mesin e tyre është edhe çështja e kthimit të kutive të zeza”, -ka thënë ai.
Aeroplani ukrainas u rrëzua pak kohë pasi ishte nisur nga Teherani më 8 janar. Shumica e viktimaveqë ndodheshin në bordin e tij ishin iranianë dhe kanadezë.
Tri ditë më vonë, Teherani pranoi se aeroplani është rrëzuar “gabimisht” nga një raketë, gjatë kohës kur urritën tensionet mes Iranit dhe SHBA-së./Opinion.al/
