Kombëtarja shqiptare, do të nisë rrugëtimin në Ligën e Kombeve me ndeshjen ndaj Ukrainës, sfidë e cila është planifikuar të luhet më 7 shtator.
Ky takim do të luhet në Çeki, në stadiumin “Epet Arena”, në orën 20:45.
Federata Shqiptare e Futbollit, ka njoftuar ditën e sotme tifozët, se nga kjo e martë e 20 gushtit, kanë dalë në shitje biletat, për sfidën e parë të grupit B1.
Biletat për tifozët kuqezi ndaj Ukrainës do të jenë në sektorin “fans sector away” dhe kushtojnë 1.200 lekë, ndërsa mund të sigurohen në linkun: https://fshf.org/shop.
Biletat janë elektronike dhe do ju dërgohen në “email”-in tuaj 3 ditë përpara ndeshjes më 4 shtator.
Ndërkohë vijon procesi i shitjes së biletave edhe për ndeshjen e dytë të Shqipërisë, atë ndaj Gjeorgjisë, e planifikuar për tu luajtur më 10 shtator në stadiumin “Air Albania”.
