Kryeministrat e Polonisë, Sllovenisë dhe Republikës Çeke kanë mbërritur me tren në Kiev për t’u takuar me presidentin ukrainas Volodymyr Zelensky dhe kryeministrin ukrainas Denys Shmyhal.
Kryeministrat mbërritën në qytet në emër të këshillit të BE-së, tha Shmyal në Twitter, duke vlerësuar “guximin e miqve të vërtetë”.
Udhëheqësit do të diskutojnë “mbështetjen ndaj Ukrainës dhe forcimin e sanksioneve kundër agresionit rus”, shkroi kryeministri.
Kryeministri polak Mateusz Morawiecki gjithashtu postoi në Twitter foto teksa bisedonte me homologët e tij.
“Këtu, në Kievin e shkatërruar nga lufta, po shkruhet historia. Pikërisht këtu, liria lufton kundër botës së tiranisë. Është këtu që e ardhmja e të gjithë neve varet në balancë. BE-ja mbështet Ukrainën, e cila mund të llogarisë në ndihmën e miqve të saj – ne e sollëm këtë mesazh sot në Kiev”,-shkroi ai./Opinion.al
It is here, in war-torn Kyiv, that history is being made. It is here, that freedom fights against the world of tyranny. It is here that the future of us all hangs in the balance. EU supports UA, which can count on the help of its friends – we brought this message to Kyiv today. pic.twitter.com/Us7k9xTq5f
— Mateusz Morawiecki (@MorawieckiM) March 15, 2022
